ජීව වායුව නිෂ්පාදනය කිරීමට අමතරව, ඔබේ ජීව වායු ඒකකය සාර්ව හා ක්ෂුද්‍ර පෝෂක වලින් පොහොසත් ජෛව පොහොරක් නිපදවන අතර ඒවා ශාක ඉක්මනින් අවශෝෂණය කර ගැනීමට ඉඩ සලසන ආකාරයෙන් සකස් වී ඇත. මිලදී ගන්නා රසායනික පොහොර වෙනුවට ජෛව පොහොර ආදේශ කිරීමෙන්, දූෂක අඩු කරන අතරම ඔබට මුදල් ඉතිරි කර ගත හැකිය. ජෛව පොහොර මගින් ශාක වර්ධනය සහ රෝග ප්‍රතිරෝධය වැඩි කරයි. ඔබ දිනපතා කාබනික අපද්‍රව්‍ය ජීව වායු ඒකකයට පද්ධතියට දැමූ විට, ජෛව පොහොර ස්වයංක්‍රීයව නිපදවෙන අතර ඔබට දිනපතා එය ලබා ගැනීමට හැකිය.
කොම්පෝස්ට් ලෙස ජෛව පොහොර යොදා ගැනීම
- කාබනික ද්‍රව්‍ය වායුගෝලීය වියෝජනය හේතුවෙන් කොම්පෝස්ට් පොහොර සෑදෙන අතර ගොවීන් එය වසර ගණනාවක් තිස්සේ භාවිතා කරනු ලබයි. එය පාංශු ව්‍යුහය සඳහා සැලකිය යුතු ආධාරකයක් ලබා දෙයි. කොම්පෝස්ට් පොහොර සාමාන්‍යයෙන් සිටුවීමට පෙර සහ පසු, පසට එකතු කරයි.
- කාබනික ද්‍රව්‍ය නිර්වායු ජීර්ණය අතුරු ඵලයක් ලෙස ජෛව පොහොර නිර්මාණය වේ. එය දියරයක් ලෙස ලැබෙන අතර පැළ සිටුවීමට පෙර සහ පසු භාවිතා කළ හැක.
- ඝන කොම්පෝස්ට් පොහොර නිපදවීමට මාස කිහිපයක් ගත වන අතර සෑම දිනකම ජෛව පොහොර නිපදවනු ලැබේ.
- ශාක වල නිසි වර්ධනය සඳහා හිරු එළිය, ජලය, කාබනික ද්‍රව්‍ය සහ පෝෂ්‍ය පදාර්ථ වැනි විවිධ මූලද්‍රව්‍ය අවශ්‍ය වේ. එලෙස අවශ්‍ය නයිට්‍රජන්, පොස්පරස් සහ පොටෑසියම් වැනි සාර්ව පෝෂක මෙන්ම යකඩ, මැන්ගනීස්, බෝරෝන් සහ වෙනත් ක්ෂුද්‍ර පෝෂක ඇතුළු ඔබේ ජිරකය මගින් නිපදවන ජෛව පොහොරවල ඉතා වැදගත් මූලද්‍රව්‍ය රාශියක් ඇත.
- ජෛව පොහොර පසට දීමෙන් පෝෂ්‍ය පදාර්ථ එකතු කිරීම පමණක් නොව පාංශු ජීව විද්‍යාත්මක ක්‍රියාකාරකම් ඉහළ නංවන අතර ඔබේ ශාක සඳහා පුළුල් පරාසයක පැතුරුණු කාබනික අණු සංයුතිය සෞඛ්‍ය සම්පන්න සහ සාරවත් වර්ධනයක් ලබා දීමට පුරෝගාමී වනු ලැබෙයි.
- ජෛව පොහොර පළිබෝධනාශකයක් ලෙස භාවිතා කළ හැකිය.
ජීව වායු ඒකකයෙන් ඉවත් කරන දියර පොහොර ලෙස භාවිතා කිරීම
- මූලික යෙදවුමක් ලෙස,පැල සිටුවීමට පස සකස් කිරීම සඳහා සතියකට පමණ පෙර පසට එක් කිරීමට පොහොර භාවිතා කළ හැකිය.
- ද්විතියික යෙදවුමක් ලෙස ඔබට සතියකට 2-3 වතාවක් පැල සිටුවීමෙන් පසු පොහොර භාවිතා කළ හැකිය.
- ඔබට පළිබෝධනාශකයක් ලෙස පැල වලට/ ශාක වල පත්‍ර වලට ඉසිය හැක.
- මතක තබා ගන්න, කුඩා පැල සදහා ජෛව පොහොර භාවිතයට පෙර තනුක කළ යුතුය, සෑම ජෛව පොහොර ලීටර් 1 කටම ජලය ලීටර් 4 ක් මිශ්‍ර කරන්න.
- පොල් හෝ කෙසෙල් වැනි වැඩුණු ගස් සඳහා ජෛව පොහොර සෘජුවම භාවිතා කළ හැකිය.
ජීරකය තුලින් ඉවතට පැමිණෙන ධ්‍රාවනය ඉතාමත් සාර්ථක දියර පොහොරක් ලෙසත්, ස්වාභාවික කෘමි නාශකයක් ලෙසත් භාවිතා කිරීමට හැකිය. ජීරකය ට කෙසෙල් ලෙලි සහ ගිනිසීරියා කොල හොඳින් කුඩු/සියුම් කැබලි කර එකතු කිරීම තුළින් මෙම පොහොර වල ගුණාත්මක භාවය තව දුරටත් ඉහළ නංවා ගත හැකිය.
